Програма за образование
Образованието на корисниците е неизбежен составен дел од развојот на секој информациски систем. Заради се поголемиот број корисници на COBISS и нивните потреби, во Центарот НУБ-ВБМ (Национална и универзитетска библиотека „Св. Климент Охридски“ - Скопје, Центар ВБМ) се посветува големо внимание на образованието.
Голем дел од образовната дејност на Центарот НУБ-ВБМ се однесува на образование на библиотекарите, посебно на оние што учествуваат во системот на заемна каталогизација и ги градат базите на податоци COBISS. Образованието за заемна каталогизација го вршат инструктори од Националната и универзитетска библиотека „Св. Климент Охридски“ - Скопје.
Образованието на библиотекарите за работа во системот COBISS.MK започнува со курсот Користење на програмската поддршка COBISS3/Преземање записи и фонд (3 дена). На курсот библиотекарите се запознаваат со:
- основните упатства за работење со програмската поддршка COBISS3,
- основите на пребарувањето и преземањето записи од заемната база во локалната база на податоци,
- форматот COMARC/B,
- форматот COMARC/H
Датум на последна измена: 19. 3. 2019 г.